ئاگرێکی گەورە لە کۆگایەکی سووتەمەنی لە تانجەرۆ کەوتەوە

ئاگرێکی گەورە لە کۆگایەکی سووتەمەنی لە ناحیەی تانجەرۆی سەر بە پارێزگای سلێمانی کەوتەوە و زیانی ماددی لێکەوتەوە.

بەپێی ئەو زانیارییەی لە شوێنی ڕووداوەکەوە دەستکەوتووه‌، ئاگرەکە بە هۆکارێک کە هێشتا دیار نییە لە کۆگایەکی سووتەمەنی کەوتووەتەوە کە دەکەوێتە نزیک شاڕێی ١٠٠ مەتریی سلێمانی.

دوابەدوای کەوتنەوەی ئاگرەکە، بڵێسەی ئاگر و دووکەڵێکی چڕ ئاسمانی ناوچەکەی گرتەوە.

دەستبەجێ دوای ئاگادارکردنەوە، تیمەکانی بەرگریی شارستانی و فریاگوزاری ڕەوانەی ناوچەکە کران و، هەوڵەکان بۆ کۆنترۆڵکردنی ئاگرەکە دەستپێکرد.

بەپێی زانیارییە سەرەتاییەکان، ڕووداوه‌كه‌ هیچ زیانێکی گیانی لێنه‌كه‌وتووه‌ته‌وه‌ و تەنیا زیانی ماددی بەر کۆگای سووتەمەنییەکە کەوتووە.