جنێڤ
ئەو کۆبوونەوەیە کە لە نووسینگەی نەتەوەیەکگرتووەکان لە شاری جنێڤ ئەنجامدرا، ئیبراھیمی و فەلتمان لەگەڵ میخائیل بۆگدانۆڤ جێگری وەزیری دەرەوەی روسیا و وێنداری شارمان بەرپرسی کاروباری سیاسی لە وەزارەتی دەرەوەی ئەمریکا دیداریانکرد.
بڕیارە ئەمڕۆ سێشەممە ئەوان لەگەڵ نوێنەرانی ئەندامە ھەمیشەییەکانی ئەنجومەنی ئاسایش کۆببنەوە. کۆبوونەوەی سێیەمیش وڵاتانی دراوسێی سوریا بەشداریی تێدا دەکەن.
فەرەیدون سنرلی ئۆغڵو بەناوی وەزارەتی دەرەوەی تورکیا سەرۆکایەتی شاندی تورکی دەکات. لەناو شاندەکە عومەر ئۆنھۆن راوێژکاری وەزارەتی دەرەوەی تورکیای تێدایە.
چاوەڕی دەکرێ کۆبوونەوەکان مەسەلەی بەروار و ئەندامانی کۆنفڕانسی جنێڤ ٢ تاوتۆ بکات. لەوبارەیەوە ئۆپۆزسیۆنی سوریا بانگەشە دەکات:" ئەگەر گرەنتی نەدرێ کە قۆناغی گواستنەوە بەبێ ئەسەد بەڕێوە ەدەچێ، بەشداریی لە کۆبوونەوەکە ناکەین".
لە چوارچێوەی ئامادەکاریەکانیشدا حەفتەی رابردوو ئیبراھیمی سەردانی ھەریەک لە تورکیا، سوریا و وڵاتانی تری ناوچەکەی کرد.
