کوێت: "بەرپەرچی زنجیرەیەک ھێرشی مووشەکی و دڕۆنمان داوەتەوە"

سوپای کوێت ڕایگەیاند کە بە ئاراستەکردنی ژمارەیەک مووشەک و دۆڕن، ھێرش کراوەتە سەر وڵاتەکەیان، بەڵام توانیویانە بەرپەرچی ھێرشەکان بدەنەوە.

لەوبارەیەوە سوپای کوێت لە تۆڕی کۆمەڵایەتی ئاماژەی بەوەداوە کە بە ئاراستەکردنی ژمارەیەک مووشەک و دۆڕن، ھێرش کراوەتە سەر وڵاتەکەیان.

ڕاشیگەیاندووە کە سیستەمی بەرگریی ئاسمانیی کوێت، بەرپەرچی ھێرشەکانیان داوەتەوە.

ھەروەھا سوپای کوێت باسی لەوەشکردووە کە لە ئەنجامی بەرپەرچدانەوەی مووشەک و دۆرنەکان، دەنگی زنجیرەیەک تەقینەوە لەو وڵاتە بیستراوە.

سوپای کوێت، ئەو لایەنەی ئاشکرا نەکردووە کە مووشەک و دۆڕنەکانی ئاراستەی ئەو وڵاتە کردووە.