ڤیەننا.. کۆبوونەوەی ئێران و گروپی١+٥

خولێکی نوێی دانوستانەکانی تایبەت بە پرۆگرامی ئەتۆمی ئێران  بەبەشداری کاترین ئاشتۆن، نوێنەری باڵای سیاسەتی دەرەوەی یەکێتیی ئەوروپا و محەمەد جوادزەریف، وەزیری دەرەوەی ئێران لە ئۆفیسی ڤیەننای نەتەوە یەکگرتووەکان دەستیپێکرد. 

بڕیارە ئەو کۆبوونەوانە تا رۆژی پێنجشەممە درێژەیان هەبێ. 

لە دانوستانەکاندا بڕیارە باس لە پرۆژەی هاریکاریی ئێران لەمەڕ چالاکییە ئەتۆمییەکانی بکرێ بە مەبەستی کەلکوەرگرتنی ئاشتییانە لە وزەی ئەتۆمی. هەروەها تاوتوێکردنی سزا سەپێنراوەکانی سەر تاران.