قاھیرە
لایانگرێ سەرۆك كۆمارێ بەرێ یێ مسرێ محەمەد مورسی بەری چەند رۆژەك ل قاداعەەوییە كۆمبووبون و ھێزێن ئاساییشێ مسرێ و گروپێ ب ناڤێ بالتاجی ب چەك ئێرش برنە سەر خۆپێشانداران و د ئەنجامدا ژ 200 كەسێ پتر ھاتن كوشتن و 4500 كەس ژی بریندار بوون.
پشتی ڤێ بوویەرێ گەلەك كەس ئەڤرۆ جارەكا دن ل قاداعەدەوییێ بۆ شەرمەزار و پرۆتەستۆكرنا كۆمكوژیێ كۆمبوون.
خۆپێشاندارێن كو ل قاداعەدەوییێ كۆمببوون شیارا "قاتل سیسی" ھاڤێشتن.
ھەرچەندە سەرەركرانێ ھێزێ سوپایێ مسر و وەزیرێ ناڤخۆیی راگەینادن كو ئەوێ رێ نەدەن بۆ چالاكیێن خۆپێشانداران و دێ ھێرش بكن سەر وان كەسان لێبەلێ ھەر گەلی مسر جارەكا دی ل قادێ كۆمبوون.
كەسێن ل قادێ كۆمببوون فتار، نڤێژ و تەرەویحێن خۆ ل وێ كرن و خۆپێشانداران دیار كرن كو دێ ھەتا دووماھیكێ ل ڤێ بن.
پشتی كۆمكوژیێ گەلەك كێماسیا پێداوستیێن پسزشكی ل نەخۆشخانەیان چێبوون.
قاھیرە ل پایتەختی مسر ژی ل قادا ناھدا خۆپێشاندان بەردەوامن و كەسێن ل مزگەفتا گیزان دەركەڤتن لگەل بەشداری ڤان خۆپێشانداران كرن.
كەسێن ب گولەیان ھاتنە كوشتن ھەموو ژ سەر و ستۆیێن خۆ بریندار ببوون.
مالباتێن قوربانیا گازندێن خۆ دەربرین و دیار كرن كو كەس و كارێن مە بێتاوان بوون و ژ لایێ حكومەتێ ڤە ھاتنە قوربانی كرن.
