کوژرانی شەش سەربازی رووسی

مۆسکۆ - AA

لە ئاکامی شەڕ و پێکدادان لەنێوان هێزە ئەمنییەکانی رووسیا و ژمارەیەک چەکدار شەش سەربازی رووسیا کوژران.

بەپێی ئاژانسی هەواڵی رووسی TASS، ژمارەیەک چەکدار لە ناوچەی ناورسکایا بە سوود وەرگرتن لە تەموموژی چڕی ناوچەکە لە شەودا ویستوویانە دزە بکەنە ناو گۆڕەپانێکی یەکەی سەربازی. لەکاتی هەستکردن بە نزیکبوونەوەی چەکدارەکان، شەڕ و پێکدادان روویداوە و شەش سەرباز کوژراون و سێی دیکەش بریندار بوون. شەش چەکداریش کوژران کە لە هەوڵی دزە کردن دابوون بۆ ناو یەکە سەربازییەکە.