ژمارەی کوژراوانی بوومەلەرزەکەی ڤێنزوێلا گەیشتە دوو هەزار و ٦٤٥ کەس

ژمارەی ئەو کەسانەی کە بە هۆی بوومەلەرزەکانی ڕۆژی ٢٤ی حوزەیران لە ڤێنزوێلا گیانیان لەدەستداوە، گەیشتە دوو هەزار و ٦٤٥ کەس.

لەم بارەیەوە وەزارەتی زانیاری ڤێنزوێلا ڕاگەیاندراوێکی بڵاو کردەوە.

بە پێی ئەم ڕاگەیاندراوە، لە ئاکامی بوومەلەرزەکە دوو هەزار و ٦٤٥ کەس گیانیان لەدەستداوە و زیاتر لە ١٢ هەزار کەسیش بریندار بوون و ١٥ هەزار کەسیش بێ ماڵ و حاڵن.

بە پێی داتاکانی ناوەندی ڕووپێوی جیۆلۆجیی ئەمریکا (USGS) ڕۆژی ٢٤ی حوزەیران دوو بوومەلەرزەی بەهێز بە گوڕی ٧.٢ و ٧.٥ ڤێنزوێلای هەژاند.

هەوڵەکانی گەڕان بە دوای قوربانیان لە ژێر داروپەردووی ڕووخاوی باڵەخانەکان تا ئێستاش بەردەوامە و گومان لە زیاتربوونی ژمارەی قوربانیان، نیگەرانی لێ کەوتووەتەوە.