وەزیری ناوخۆی سووریا: "بەردەوامین لە ئەنجامدانی ئۆپەراسیۆن بۆ سەر داعش"

سووریا ــ AA

وەزیری ناوخۆی سووریا، ئەنەس خەتاب ڕایگەیاند کە بەردەوامن لە ئەنجامدانی ئۆپەراسیۆن بۆ سەر داعش و دەستگیرکردنی پاشماوەکانی ڕژێمی ڕووخاوی بەشار ئەسەد.

ئەنەس خەتاب لە ھەژماری خۆی لە تۆڕی کۆمەڵایەتی "ئێکس"، نووسیوویەتی: "ھێزەکانی سەربە وەزارەتی ناوخۆ بەردەوامن لە بەدواداچوونەکانیان بۆ چالاکییە تیرۆریستییەکان".

ڕاشیگەیاندووە: "بەردەوامین لە ئەنجامدانی ئۆپەراسیۆن بۆ سەر داعش و دەستگیرکردنی پاشماوەکانی ڕژێمی ڕووخاوی بەشار ئەسەد".

جەختی لەوەش کردووەتەوە کە ڕووبەڕووی ھەر ھەڕەشەیەک دەبنەوە کە ئاسایشی سووریا بکاتە ئامانج.