لە زنجیرەیەک ھێرشی ئاسمانیی ئیسرائیلدا بۆ سەر لوبنان ھەشت کەس کوژران

لە ئاکامی زنجیرەیەک ھێرشی ئاسمانیی سوپای ئیسرائیلدا بۆ سەر ژمارەیەک ناوچەی باشووری لوبنان، ھەشت کەس کوژران.

ئاژانسی ھەواڵی فەرمیی لوبنان "NNA" بڵاویکردەوە کە لە دووەم ڕۆژی جەژنی قورباندا، سوپای ئیسرائیل زنجیرەیەک ھێرشی چڕی ئاسمانیی کردووەتە سەر قەزای زەھرانی و شارەکانی سوور و سەیدا باشووری لوبنان.

ئاژانسەکە ڕاشیگەیاندووە کە لە ئاکامی ھێرشەکاندا، ھەشت کەس کوژراون.