لێدوانی ترەمپ لەبارەی تۆماری دەنگی کوشتنی خاشقچی
سەرۆکی ئەمریکا، دۆناڵد ترەمپ رایگەیاند کە نایەوێت گوێبیستی ئەو تۆمارە دەنگییە بێت کە لەکاتی کوشتنی رۆژنامەنووس، جەمال خاشقچی لە نێو کۆنسولخانەی سعوودیە لە شاری ئیستانبوڵ تۆمارکراوە، راشیگەیاند کە ئەو تۆمارانە زۆر وەحشیگەرانەیە.
Washington DC
واشنتۆن - AA
سەرۆکی ئەمریکا، دۆناڵد ترەمپ رایگەیاند کە نایەوێت گوێبیستی ئەو تۆمارە دەنگییە بێت کە لەکاتی کوشتنی رۆژنامەنووس، جەمال خاشقچی لە نێو کۆنسولخانەی سعوودیە لە شاری ئیستانبوڵ تۆمارکراوە، راشیگەیاند کە ئەو تۆمارانە زۆر وەحشیگەرانەیە.
ترەمپ لە لێدوانێکیدا بۆ کەناڵی فۆکس نیوزی ئەمریکی ئەوەی پشتڕاستکردەوە کە تۆماری دەنگی کوشتنی خاشقچی لە دەستی ئەمریکادایە و زانیاری وردیشی لەبارەی ئەو تۆمارە دەنگییە بەدەستگەیشتووە.
ترەمپ ئەو تۆمارە دەنگیانەی بە "تۆماری ئازارکێشان" ناوبرد و گوتی: "نەمویست گوێبیستی تۆمارە دەنگییەکان بم. ھیچ ھۆکارێک نییە بۆ ئەوەی گوێبیستی بم. پڕە لە توندوتیژی، وەحشیگەرانە و پیسە".
ترەمپ ئەوەی وەبیرھێنایەوە کە سزایان بەسەر چەند بەرپرسێکی سعوودیەدا سەپاندووە و گوتیشی: "لە ھەمان کاتدا ھاوپەیمانی ئێمەن و نامەوێت ھاوپەیمانێکی زۆر باش لە زۆر خاڵدا جێبھێڵم".