سه‌ركرده‌ی گرووپێكی چه‌كداری شیعه‌كان كه‌ ره‌خنه‌ی له‌ ئێران گرتبوو له‌ به‌غدا ده‌ستبه‌سه‌ر كرا

به‌غدا – AA

فەرماندەی لیوای ئه‌بو فەزڵ عه‌بباس كه‌ گرووپێكی چه‌كداری شیعه‌كانه‌، أوس الخفاجي و ره‌خنه‌ی له‌ ئێران گرتبوو، له‌ به‌غدا له‌لایه‌ن هێزێكه‌وه‌ ده‌ستبه‌سه‌ركرا.

به‌پێی ئه‌و زانیاریانه‌ی له‌ سه‌رچاوه‌ متمانه‌پێكراوه‌كانی به‌غداوه‌ ده‌ستكه‌وتوون، هێزێكی سه‌ربازی هاوبه‌ش كه‌ له‌ یه‌كه‌ ئه‌منییه‌كانی حه‌شدی شه‌عبی و فه‌رمانده‌یی ئۆپه‌راسیۆنه‌كانی به‌غدا پێكهاتبوون چوونه‌ته‌ باره‌گای الخفاجي له‌وێ ناوبراویان ده‌ستبه‌سه‌ركردووه‌ و له‌گه‌ڵ خۆیان بردوویانه‌.

هێشتا هیچ راگه‌یه‌ندراوێكی فه‌رمی بڵاونه‌كراوه‌ته‌وه‌ كه‌ الخفاجي به‌ چ تۆمه‌تێك ده‌ستبه‌سه‌ر كراوه‌.

ناوبراو چه‌ند كاتژمێرێك به‌ر له‌ ده‌ستبه‌سه‌ركردنی له‌ میانی به‌شداریكردن له‌ به‌رنامه‌یه‌كی ته‌له‌ڤزیۆنی ره‌خنه‌ی له‌ ئێران گرتبوو. له‌باره‌ی كوشتنی رۆماننووس ئالا مه‌شدوب له‌ كه‌ربه‌لا‌ رایگه‌یاندبوو: "مه‌شدوب له‌لایه‌ن ئه‌و گرووپانه‌وه‌ كوژراوه‌ كه‌ به‌ ئێرانه‌وه‌ وابه‌سته‌ن و سۆزیان بۆی هه‌یه‌".