Elahe Salari,Mustafa Melih Ahıshalı,Ramal Abdullah Mahmood
29 تەمووز 2019•نوێکردنەوە: 30 تەمووز 2019
ئیستانبوڵ – AA
گوتهبێژی وهزارهتی دهرهوهی ئێران، عهباس موسهوی رایگهیاند كه دهستبهسهرداگرتنی کەشتییە نهوت هەڵگرهكهی ئێران له لایهن بهریتانیاوه بهواتای پێشێلكردنی رێككهوتنی ئهتۆمی دێت.
میدیاكانی ئێران بڵاویانکردەوە، عەباس موسهوی له كۆنگرهیهكی رۆژنامهوانییدا له وهزارهتی دهرهوه له تاران گوتی: "دوێنێ كۆبوونهوهی لیژنهی هاوبهشی سهرووئاسایی رێككهوتنی ئهتۆمی له ڤیهننا كرا. شاندی وڵاتانی ئهورووپا ههراسانی خۆیان نیشاندا له جێبهجێنهكردنی بهشێك له بهندهكانی رێككهوتنهكه. ئێرانیش دهستبهسهرداگرتنی کەشتییە نهوت هەڵگرهكهی له لایهن بهریتانیاوه به پێشێلكردنی رێككهوتنی ئهتۆمی دهزانێت".
گوتهبێژی وهزارهتی دهرهوهی ئێران، عهباس موسهوی تیشكی خسته سهر ئهوهی كه حكوومهتی وڵاتهكهی جهخت لهوه دهكاتهوه تهنها ناتواندرێت له لایهن وڵاتێكهوه جێبهجێ بكرێت و گوتی: "ئهگهر ئاوا بهردهوام بێت بۆ كهمكردنهوهی بهندهكان ههنگاوی سێیهم به شێوهیهكی زۆر بههێزتر دهنێین".
