"ئاسایشی ئەووروپا بە بێ وڵاتانی وەک تورکیا دەستەبەر ناکرێ"

بەرلین - AA

سکرتێری گشتی ناتۆ، یانس ستولتنبێرگ گوتی: "ئاسایشی ئەووروپا لە پرسی بەرەنگاربوونەوەی تیرۆر، بە بێ وڵاتانی وەک تورکیا کە خاوەن گرنگی خۆیەتی، دەستەبەر ناکرێ".

ستۆڵتنبێرگ لە دەزگای German Atlantic Society لە شاری بەرلین وتارێکی پێشکەش کرد و لەبارەی پاراستنی ئاسایشی ئەورووپا، ئاماژەی بە گرنگی رۆڵی ئەو وڵاتانە کرد کە ئەندامی یەکێتی ئەورووپا نین.

ستۆڵتنبێرگ ئاماژەی بەوە دا کە لەگەڵ جیابوونەوەی بەریتانیا لە یەکێتی ئەورووپا ئیتر سەدا ٨٠ی خەرجی بەرگری ناتۆ لەلایەن وڵاتانی دەرەوەی یەکێتی ئەورووپا دابین دەکرێ.

ستۆڵتنبێرک گوتیشی: "ئاسایشی ئەووروپا لە پرسی بەرەنگاربوونەوەی تیرۆر، بە بێ وڵاتانی وەک تورکیا کە خاوەن گرنگی خۆیەتی، دەستەبەر ناکرێ".