یڵدرم: "پەکەکە زیان بە ھەموو کەسێک دەگەیەنێت"

ئەنقەرە - AA

سەرۆکوەزیرانی تورکیا، بینالی یڵدرم گوتی: "ھێزەکانمان لە قوڵای ٣٠ کیلۆمەتر لە باکووری عێراق لە ناوچەیەک بە رووبەرێکی ٣٠٠ کیلۆمەتری چوارگۆشە جێگیرکراون. دەشێ دواتر ئەمە قەندیل و مەخموور و شنگال-یش بگرێتەوە".

سەرۆکوەزیرانی تورکیا، بینالی یڵدرم بەشداری لە پرۆگرامێکی کەناڵی NTVی تورکیا کرد و بە شێوەیەکی راستەوخۆ وەڵامی پرسیارەکانی رۆژەڤی دایەوە.

سەرۆکوەزیرانی تورکیا، بینالی یڵدرم لەبارەی ئەگەری ھەماھەنگی کردن لەگەڵ ئێران و عێراق لە پرسی ئۆپەراسیۆنی قەندیل گوتی: "پەکەکە زیان بە ھەموو کەسێک دەگەیەنێت. باوەڕ ناکەم لەمبارەیەوە (ھەماھەنگی کردن) کێشە لە بەردەممان ھەبێت".

سەرۆکوەزیرانی تورکیا، بینالی یڵدرم لەبارەی پشتیوانی ئەمریکا لە پەیەدە/یەپەگە گوتی: "کاتێ ئەمریکییەکان ھەماھەنگیان لەگەڵ پەیەدە/یەپەکە دەکرد پێیان وتین کە ئەمە بژاردەیەک نییە بەڵکو ناچارییە. ئایا ناچاری چییە ئەمە بووەتە جێگەی پرسیار. گوتیان "بۆ لەناوبردنی داعش ناچار بووین". بەڵام پێمانوایە ناچار نەبوون. ئیتر ئەمە گرنگی نەماوە . ئێستا داعش کۆتایی ھات. ئەمانە چ کارێکیان ھەیە لەم ناوچەیە بە چەکەوە؟ ئەگەر ئەمریکا ھاوپەیمانی ئێمەیە، ئەگەر ئەمریکا ھاوبەشی ئێمەیە لە ناتۆ پێویستە یەک کار بکات، بەمانە بڵێ (پەیەدە یەپەگە) "ئیتر خواتان لەگەڵ، چەکەکانتان بدەنەوە و دانیشن لە شوێنی خۆتان" بەدەر لەمە ھەڵوێستێکی دۆستانە نابێت".

بینالی یڵدرم لەبارەی دەرکردنی بڕیاری لێبووردنی گشتی لە تورکیا گوتی: "بڕیاری لێبووردنی گشتی لە رۆژەڤی ئێمەدا نییە. بەرێز باخچەلی ئەمەی ھێناوەتە رۆژەڤ. ئەوان پارتێکی سیاسی جیاواز و ئێمەش پارتێکی سیاسی دیکەین.رێز لەمە دەگرین بەڵام لە رۆژەڤی ئێمەدا نییە".

سەرۆکوەزیرانی تورکیا، بینالی یڵدرم لەبارەی بڕیاری باری نائاسایی گوتی : "ھیوادارم لە ماوەیەکی کورتدا پرسی باری نائاسایی لە رۆژەڤی حکوومەتی نوێدا بێت و بەرەو ئاراستەی ھەڵگرتنی ئەو بڕیارە بڕۆن".

بینالی یڵدرم گوتیشی:"رێککەوتنی رادەستکردنەوەی دوو قۆڵی لەگەڵ یۆنان لە دوای ئەم بڕیارەی کۆتایی راگرت. بەڵام پرسی ھەڵوەشاندنەوەی رێککەوتنی رادەستکردنەوەی دوو قۆڵی لەگەل یەکێتی ئەورووپا جێگەی باس نییە".

بینالی یڵدرم باسی لە رێککەوتنی کۆماری نێوان پارتەکەی و مەھەپە کرد و گوتی: "بەلاوە دانانی مەھەپە جێگەی باس نییە. ھاوکات مەھەپەش ئاک پارتی بەلاوە دانانێ. چونکە ئێمە پێکەوە بۆ ئەم رێگایە کارمان کردووە. لە ھەموو کۆبوونەوەیەکی جەماوەری جەخت لەسەر رێککەوتنی کۆماری دەکەینەوە. دەرفەت بەو کەسانە نادەین کە دەیانەوێ ئاژاوە بخەنە نێوانمانەوە".

بینالی یڵدرم لەبارەی بڕیاری نەمسا پەیوەندیدار بە داخستنی ژمارەیەک مزگەوت گوتی: "ئایا چۆن یەکێتی ئەورووپا راسپاردەی وڵاتێکی خاوەن ئەم جۆرە بۆچوونە دەکرێ. ئەوە بۆ خواستی ئەورووپییەکان جێدەھێڵم".

سەرۆکوەزیرانی تورکیا، بینالی یڵدرم لەمبارەیەوە زیاتر گوتیشی: "زۆر ھەڵەیە. بڕیارێکە دژی مافەکانی جیھانی و بەھاکانی یەکێتی ئەورووپا و مافی کەمینەکانە".