کۆبوونەوەی ئەردۆغان و پاپا

ڤاتیکان - AA

کۆبوونەوەی دووقۆڵی سەرکۆماری تورکیا، رەجەب تەیب ئەردۆغان و سەرکردەی روحی کاسۆلیکەکانی جیهان، پاپا فرانسیس لە ڤاتیکان کۆتایی هات.

پاپا بەر لە کۆبوونەوەکە لە بەر دەرگای هۆڵی کتێبخانە لە کۆشکی ئاپۆستۆڵ پێشوازی لە سەرکۆمار ئەردۆغان کرد. کاتژمێر ١١:٥٣ کۆبوونەوەی دووقۆڵی نێوان ئەردۆغان و پاپا دەستی پێکرد و تاکو کاتژمیر ١٢:٥٤ خایاند.

دواتر سەرکۆمار ئەردۆغان شاندی یاوەری پێشکەشی پاپا فرانسیس کرد.

شاندی یاوەری سەرکۆمار ئەردۆغان پێکهاتوون لە ئەمینە ئەردۆغانی هاوسەری و وەزیری دەرەوە، مەولود چاوشئۆغڵو و وەزیری دارایی، نیهات زەیبەکچی و وەزیری بەرگری، نورەددین جانیکلی و گەورە دانوستانکار و وەزیری کاروباری یەکێتیی ئەورووپا، عومەر چەلیک و وەزیری وزە و سەرچاوە سروشتییەکان، بەرات ئاڵبایراک و ئیسرا ئاڵبایراکی هاوسەری و گوتەبێژی سەرۆکایەتی کۆمار، ئیبراهیم کاڵن.

پاشان پاپا فرانسیس و سەرکۆمار ئەردۆغان دیارییان پێشکەش بە یەکتر کرد.

ئەردۆغان تابلۆی نەخش و نیگاری ئیستانبوڵی کۆن کە لە ٢٤ پارچە پێکهاتووە و چاپی ئینگلیزی و ئیتاڵی مەسنەوی پێشکەشی پاپا کرد.

پاپاش میدالیای ئاشتی پێشکەشی ئەردۆغان کرد.

ئەردۆغان و پاپا لەبارەی دیاریەکانەوە زانیاریان بە یەکتر دا.