٤٦هەمین دەورییەی سوپای تورکیا لە منبج

ئەنقەرە - AA

سەربازانی سوپای تورکیا و ئەمریکا، ٤٦هەمین دەورییەی سەربازییان بە شێوەی ھەماھەنگی و سەربەخۆ لە ھێڵی نێوان ناوچەکانی قەڵغانی فورات و منبج ئەنجامدا.

بەپێی ئەو راگەیاندراوەی کە لە سەرۆکایەتی ئەرکانی سوپای تورکیا بڵاوکراوەتەوە، زرێپۆشەکانی سوپای تورکیا لە نێوان ناوچەی قەڵغانی فورات و ھێڵی پێشەوەی منبج، ٤٦هەمین چالاکی گەڕان (دەورییە)یان ئەنجامداوە.

ئەرکی یەکەمی دەورییەکە رۆژی ١٨ی حوزەیران ئەنجامدرا و، چاوەڕوانیش دەکرێت چالاکییەکان درێژەی ھەبێت.

- نەخشە رێگای منبج

وەزیری دەرەوەی تورکیا، مەولود چاوشئۆغڵو و ھاوتا ئەمریکییەکەی، مایک پۆمپیۆ، لە کۆبوونەوەی ٤ی حوزەیرانی رابردوودا، بە مەبەستی پاراستنی ئاسایش و ئارامی شارۆچکەی منبج لەسەر نەخشە رێگایەک رێککەوتبوون.