نوێنەرانی دیپلۆماسی ١٠ وڵات بانگێشی وەزارەتی دەرەوەی تورکیا کران

وەزارەتی دەرەوەی تورکیا، بەهۆی ئەو راگەیەندراوانەی کە لە بارەی عوسمان کاڤالا-وە بڵاویان کردبووەوە، دیپلۆماتکارانی ١٠ وڵاتی بانگێشت کرد.

دیپلۆماتکارە بانگێشکراوەکان، نوێنەری وڵاتانی ئەمریکا، ئەڵمانیا، دانمارک، فینلاند، فەڕەنسا، هۆڵەندا، سوید، کەنەدا، نەرویج و نیوزیلاند لەگەڵ یاریدەدەری وەزیری دەرەوەی تورکیا و سەرۆکی کاروباری یەکێتیی ئەورووپا، فاروق کایماکچی کۆدەبنەوە.

چاوەڕوان دەکرێت لە کۆبوونەوەکەدا، نیگەرانییەکانی تورکیا دەربارەی لێدوانی ئەو وڵاتانە لەسەر عوسمان کاڤالا، بخرێتەڕوو.

ئەو دیپلۆماتکارانە پێشتر لە هەژمارەکانی خۆیان بانگەشەی ئەوەیان کردبوو کە قۆناغی دادگاییکردنی کاڤالا، دیموکراسیی و سەروەریی یاسای لە تورکیا خستووەتە ژێر پرسیارەوە و داوایان کردبوو کە ناوبراو ئازاد بکرێت.