مانۆڕی سەربازی سلۆپی-خاپوور بەردەوامە

شرنەخ - AA

مانۆڕی سەربازیی هاوبەشی هەریەک لە سوپای تورکیا و عێراق کە لە رۆژی ١٨ی ئەیلوولدا لە شارۆچکەی سلۆپی سەربە پارێزگای شرنەخ و لە نزیک دەروازەی سنووریی خابوور دەستیپێکردووە، درێژەی هەیە.

سەرۆکایەتی ئەرکانی سوپای تورکیا رایگەیاند، مانۆڕەکە بە بەشداریی فەیلەقی حەوت و لیوای ٢٨ی میکانیکی سوپای تورکیا بە هاوبەشی لەگەڵ یەکەکانی سوپای عێراق و لە دووریی سێ کیلۆمەتر لە دەروازەی سنووریی خابوور بەردەوامە.

ئه‌مڕۆ پێنج زرێپۆشی دیکەی جەنگییش بەشدارییان لە مانۆڕەکەدا کرد.

لەچوارچێوەی رێکارە پێویستەکانی مانۆڕەکەدا، یەکەیەکی سەربە لیوای میکانیکی بە شێوەیەکی تاکتیکی گوازرانەوە و لەو میانەشدا سەربازانی هەردوولا رێکاریان لەبەرامبەر هێرشی ئاسمانیی، پەلامارەکان و ئەو بۆسانەی کە دەنرێنەوە و هاتوچۆ لە ناوچە هەستیارەکاندا، گرتەبەر.

هەر لە چوارچێوەی مانۆرەکەدا، راهێنان لەسەر پەلاماردانی ژمارەیەک لە سەربازان و تێکشکاندنی هێرشەکە لە لایەن ژمارەیەک یەکەی سەربازییەوە بە ئۆتۆمبیلی زرێپۆشەوە، کرا.

سەربازانی سوپای عێراق و تورکیا دوای ئەنجامدانی راهێنانەکە، بە ئۆتۆمبیلی زرێپۆش گەڕانەوە یەکەکانیان.