سبه‌ی یه‌كه‌م گه‌شتی ئاسمانی له‌ فڕۆكه‌خانه‌ی نوێی ئیستانبوڵ ئه‌نجام ده‌درێت

ئیستانبوڵ – AA

سبه‌ی چوارشەممە یه‌كه‌م گه‌شتی ئاسمانی له‌ فڕۆكه‌خانه‌ی نوێی ئیستانبوڵ "خاڵی نوێی به‌یه‌كگه‌یشتنی جیهان"ه‌وه‌ ئه‌نجام ده‌درێت.

دوێنێ سه‌ركۆماری توركیا، ره‌جه‌ب ته‌یب ئه‌ردۆغان فڕۆكه‌خانه‌ی نوێی ئیستانبوڵی كرده‌وه‌ و له‌ سبه‌ینێشه‌وه‌ یه‌كه‌م گه‌شتی فڕۆكه‌وانی له‌ لایه‌ن هێڵی ئاسمانی تورك له‌و فڕۆكه‌خانه‌یه‌ ئه‌نجام ده‌درێت.

كاتژمێر ١١:٠٠ی سبه‌ی چوارشەممە یه‌كه‌مین گه‌شت له‌و فڕۆكه‌خانه‌یه‌وه‌ بۆ ئه‌نقه‌ره‌ ئه‌نجام ده‌درێت.

دوێنێ دوای به‌ڕێوه‌چوونی رێوڕه‌سمی كردنه‌وه‌ی فڕۆكه‌خانه‌كه‌ كه‌لوپه‌له‌كان كۆكرانه‌وه‌ و ته‌لاره‌كه‌ پاك كرایه‌وه‌ و ئاماده‌باشی ته‌واو كراوه‌ بۆ ئه‌نجامدانی گه‌شته‌ ئاسمانییه‌كه‌ی سبه‌ی.