زستانی رۆژھەڵاتی ئانادۆڵو

وان - AA
لە ناوچەکانی رۆژھەڵاتی ئانادۆڵو رێگای ٢٦ گوند و دێھاتی سەر بە پارێزگاکانی وان و بەدلیس بە ھۆی بارینی بەفرێکی زۆر و نالەباری کەشوھەوا داخران.
لە راگەیەنراوێکی شارەوانی پارێزگای وان ئاماژە بەوە دراوە، بە ھۆی بارینی بەفرێکی زۆر و نالەباری کەشوھەوا، رێگای ٢٤ گوند و دێھاتی سەر بە پارێزگاکە داخراون.
رێگای دوو لە گوندەکانی سەر بە ناحیەی باھچەسەڕای بە ھۆی بارینی بەفرێکی زۆر و نالەباری کەشوھەوا روودانی زوقم لەسەر رێگاوبانەکان داخراون و ھەوڵەکانی تیمەکانی فریاگوزاریی بەردەوامە بۆ دووبارەکردنەوەی رێگاوبانەکان.
لە راگەیەنراوەکەد​ا ئاماژە بەوەش دراوە لایەنە پەیوەندیدارەکان و سەرجەم تیمەکانی فریاگوزاریی سەر بە پارێزگای وان و دەورووبەری لە ئامادەباشیدان بۆ ھەر حاڵتێکی نەخوازراو.
- بەدلیس

بەڕێوەبەرایەتی گواستنەوە و گەیاندنی فەرمانگەی تایبەتی بەدلیس رایگەیاند "تیمەکانی فریگوزاریی بەردەوامن لە ھەوڵەکانیان بۆ کردنەوەی سەرجەم رێگا داخراوەکانی پارێزگاکە".

بە گوێرەی راگەیەنراوێکی بەڕێوەبەرایەتی کەشناسی ناوچەکە چاوەڕوان دەکرێت ھەوری ئاسمانی سەر ناوچەکە بڕەوێتەوە.

ئاماژەی بەوەشکرد پێشبینی دەکرێت لە چەند کاتژمێری داھاتوودا، سەهۆڵبەندان و زوقم زیاد ببێت و ناوچەکە تەمومژ دایبپۆشێت.
هەروەها پێشبینی دەکرێت پلەکانی گەرما لە پارێزگاکانی وان، مووش، ھەکاری و بەدلیس بە شێوەیەکی بەرچاو دابەزێت.

ھەروەھا دانیشتوانی ناوچەکەشی ئاگادارکردەوەتەوە لە مەترسییەکانی نالەباری کەشوھەوا و داواشی کردووە شوفێرەکان بە وریاییەوە هاتوچۆ بکەن.