دەستبەسەرداگرتنی یەک تۆن و ٥٧ کیلۆگرام ماددەی هۆشبەر لە ئۆپەراسیۆنی نارکۆچەلیک-١٨

ئەنقەرە - AA

وەزیری ناوخۆی تورکیا، عەلی یەرلیکایا بڵاویکردەوە لە میانی ئۆپەراسیۆنەکانی نارکۆچەلیک-١٨دا بۆ سەر بازرگانانی ماددەی هۆشبەر کە لە یەک کاتدا لە ١٧ پارێزگا بەڕێوەچوو، دەستگیرا بەسەر یەک تۆن و ٥٧ کیلۆگرام ماددەی هۆشبەر و ١٦ ملیۆن و ٢١٨ هەزار حەبی بێهۆشدا و، ٢٧٢ بازرگانی ماددەی هۆشبەریش دەستگیرکران.

لە ڕاگەیاندراوێکدا کە لە تۆڕی کۆمەڵایەتی بڵاویکردەوە، یەرلیکایا ئاماژەی بەوە کرد کە ئۆپەراسیۆنەکان بەهەماهەنگیی سەرۆکایەتی فەرمانگەی بەرەنگاربوونەوەی تاوانە رێکخراوەییەکان و قاچاخچێتی سەربە فەرماندەی گشتیی جەندرمە لەلایەن تیمەکانی فەرماندەیی جەندرمەی پارێزگا لە ئادانا، ئەنتاڵیا، ئایدن، ئاگری، ئیستانبوڵ، دیاربەکر، ئەدیرنە، نەوشەهیر، چانکری، ئیزمیر، عوسمانیە، هاتای، چاناککالە، بینگۆل، ئەلازیغ، ئەرزینجان و تۆکات بەڕێوەچوو.

یەرلیکایا باسی لەوە کرد ٨٦٥ کارمەندی هێزە ئەمنییەکان لە چوارچێوەی ٢١٠ تیمدا ئۆپەراسیۆنەکانیان بەڕێوە بردووە کە تیایدا دەستگیراوە بەسەر یەک تۆن و ٥٧ کیلۆگرام ماددەی هۆشبەر و ١٦ ملیۆن و ٢١٨ هەزار حەبی بێهۆشدا، هەروەها ٢٧٢ بازرگانی ماددەی هۆشبەر دەستگیرکراون.

ڕاشیگەیاند: "پێداگرین لە پاککردنەوەی وڵاتەکەمان لە بازرگانانی ژەهر و شەقام لە فرۆشیارانی ماددەی هۆشبەر. ڕێگە نادەین بازرگانانی ماددەی هۆشبەر گەنجان کە داهاتوومانن و کۆمەڵگاکەمان ژەهراوی بکەن".

1️⃣7️⃣ İlde Uyuşturucu Madde İmalatçılarına ve Bunların Satışını Yapanlar ile Sokak Satıcılarına yönelik Jandarma tarafından düzenlenen “NARKOÇELİK-18” operasyonlarında;
1️⃣ Ton 5️⃣7️⃣ Kg Uyuşturucu Madde ve
1️⃣6️⃣ Milyon 2️⃣1️⃣8️⃣ Bin adet Uyuşturucu Hap ele geçirildi❗

2️⃣7️⃣2️⃣ Zehir… pic.twitter.com/Meh8O19JvV

— Ali Yerlikaya (@AliYerlikaya) May 21, 2024