ئەنقەرە.. تەرمی دیپلۆماتکارە تورکەکە بە خاک سپێردرا

ئەنقەرە - AA

تەرمی دیپلۆماتکارێکی کۆنسولخانەی تورکیا لە شاری ھەولێر بە ناوی عوسمان کۆسێ لە شاری ئەنقەرە بە خاک سپێردرا، لە دوای ئەوەی دوێنێ لە ھێرشێکی چەکداریدا لە رێستۆرانتێکی شاری ھەولێر شەھید کرا.

رێوڕەسمێکی سەربازیی لە مزگەوتی ئەحمەد حەمدی ئەکسەکی بۆ شەھید کۆسێ رێکخرا و تێدا خانەوادەی شەھیدەکە و راوێژکاری میت، ھاکان فیدان و وەزیری دەرەوەی تورکیا، مەولود چاوشئۆغڵو و وەزیری بەرگری تورکیا خولوسی ئاکار و سەرۆکی ئەرکانی سوپا یاشار گولەر، وەزیری ناوخۆ سولەیمان سۆیلو، وەزیری داد عەبدولحەمید گول، سەرۆکی گشتی جەھەپە کەمال کڵچدارئۆغڵو، پارێزگاری ئەنقەرە، ڤاسیپ شاھین و ژمارەیەک بەپرسی دیکە ئامادەی پرسەکە بوون.

ھەر لە رێوڕەسمەکەدا سەرۆکی کاروباری ئاینی تورکیا، عەلی ئەرباش کە پێشنوێزی جەنازەی کرد، گوتی: "پێویستە جیھان رێگری لە رێکخراوەکانی تیرۆریستی بکات کە کەسانی بێ تاوان دەکوژن. ئێمە ھەموو ھەوڵی خۆمان بۆ ئەمە خستووەتەگەڕ. ھەمان شت لە گشت مرۆڤایەتی چاوەڕێ دەکەین".

لە دوای نوێژی مردوو، تەرمی شەھیدەکە لەسەر شانی سەربازان بۆ نێو ئۆتۆمبێڵ گوازرایەوە.

دواتریش تەرمی عوسمان کۆسێ لە گۆڕستانی کارشیکایا بە خاکسپێردرا.