ئیمامئۆغڵو بەڵگەنامەی دەستبەکاربوونی وەرگرت

ئیستانبوڵ - AA

لە دوای ھەڵبژاردنی وەک سەرۆکی گەورە شارەوانی ئیستانبوڵ لە ھەڵبژاردنی ٢٣ی حوزەیران، ئەکرەم ئیمامئۆغڵو بەڵگەنامەی دەستبەکاربوونی وەرگرت.

ئیمامئۆغڵو لە دوای بەدەستھێنانی چوار ملیۆن و ٧٤١ ھەزار و ٨٦٨ دەنگ کە دەکاتە سەدا ٥٤.٢١ی کۆی گشتی دەنگەکان، بە سەرۆکی گەورە شارەوانی ئیستانبوڵ ھەڵبژێردرا و بەمەبەستی وەرگرتنی بەڵگەنامەی دەستبەکاربوونی سەردانی دادگای ئیستانبوڵی کرد.

ئەکرەم ئیمامئۆغڵو ھاوشانی جێگرانی سەرۆکی گشتی جەھەپە، موحەرەم ئەرکەک و سەید تۆرون و چەندین بەرپرسی دیکەی حزبەکەی گەیشتە دادگای ئیستانبوڵ.

لێرەدا ئیمامئۆغڵو بەڵگەنامەی دەستبەکاربوونی لە سەرۆکی لقی ئیستانبوڵی دامەزراوەی باڵای ھەڵبژاردن، زیا بولەند ئۆنار وەرگرت و لە رێوڕەسمی وەرگرتنی ئەو بەڵگەنامەیه‌دا رێگەدرا تەنھا ئاژانسی ئانادۆڵو، تەرەتە و ئاژانسی ھەواڵی ئیخلاس (İHA) روماڵی رێوڕه‌سمه‌كه‌ بکەن.

ئیمامئۆغڵو گوتارێکی کورتی پێشکەش کرد رایگەیاند کە ھیوادارە ھەڵبژاردنی بۆ شارەوانی ئیستانبوڵ ببێتە مایەی خێر و گوتیشی: "ئیستانبوڵەکەمان شاری پێشەنگی تورکیایە، ھیوادارم پێنج ساڵی ئەنجامدانی دروسترین کار پێکەوە بەڕێ بکەین".