پڕۆژە بڕیاری ئازادی هاتوچۆ لە گەرووی هورموز لە لایەن چین و ڕووسیا ڤیتۆ کرا

پڕۆژە بڕیاری ئازادی هاتوچۆ لە گەرووی هورموز کە پێشکەش بە ئەنجوومەنی ئاسایشی سەر بە نەتەوە یەکگرتووەکان کرابوو، لە لایەن چین و ڕووسیاوە ڤیتۆ کرا.

پڕۆژە بڕیاری ئازادی هاتوچۆ لە گەرووی هورموز لە لایەن بەحرێن کە سەرۆکایەتی خوولیی ئەنجوومەنی ئاسایش دەکات، پێشکەش و داواکرابوو کە بە هەماهەنگی ڕێکارەکانی بەرگریی لە گەرووەکە بگیرێتە بەر.

لە کۆبوونەوەکەدا تاوتوێ پڕۆژە یاساکە کرا و ١١ وڵات دەنگی ئەرێنی و هەرکام لە کۆلۆمبیا و پاکستان دەنگی بێ لایەنیان بەکار هێنا.

هەرکام لە وڵاتانی ڕووسیا و چین کە ئەندامی هەمیشەیی ئەنجوومەنی ئاسایشن، پڕۆژە بڕیارەکەیان ڤیتۆ کرد.