نرخی بیتکۆین بەردەوام لە بەرزبوونەوەدایە

بەرلین - AA

لە چاوەڕوانی چالاک کردنی یەدەگی بیتکۆین لەلایەن دۆناڵد ترەمپ کە سەرلەنوێ بە سەرۆکی ئەمریکا هەڵبژێردرایەوە، بۆ یەکەمجار نرخی دراوی کریپتۆ بیتکۆین بۆ سەرووی ١٠٧ هەزار دۆلار بەرزبووەوە.

بەپێی داتاکانی کۆمپانیای شیکاری کۆین مارکێت کاپ، لە ماوەی ٢٤ کاتژمێردا، بەهای بازاڕی دراوی کریپتۆی جیهانی بە بیتکۆینیشەوە بە ڕێژەی سەدا ١،٣٣ زیادیکردووە و ٣،٧٤ تریلیۆن دۆلاری تێپەڕاندووە.

بەهۆی کاریگەریی تێڕوانینی ئەرێنیی بۆ سامانە دیجیتاڵییەکان لەلایەن دۆناڵد ترەمپەوە کە لە کانوونی دووەمدا خولی دووەمی سەرۆکایەتییەکەی لە ئەمریکا دەست پێدەکات، نرخی بیتکۆین کە گەورەترین دراوی کریپتۆیە، لە ٢٤ کاتژمێری ڕابردوودا بە ڕێژەی سەدا ٢،٤٨ بەرزبووەتەوە.