Turqia

Zbulohet kisha 1.600 vjeçare në qytetin e lashtë Priene të Turqisë

"Ne zbuluam se toka e kishës përbëhet nga gurë të vegjël të bashkuar, të cilët ishin të mbuluar me mozaik të stolisur me motive gjeometrike", tha Altin

Ferdi Uzun   | 18.10.2021
Zbulohet kisha 1.600 vjeçare në qytetin e lashtë Priene të Turqisë Foto: Ferdi Uzun / AA

Aydın

Një kishë që daton 1.600 vjet më parë u zbulua në qytetin e lashtë Priene që përfshihet në Listën Tentativë të UNESCO-s dhe ndodhet në provincën Aydin të Egjeut në Turqi, raporton Anadolu Agency (AA).

Ali Altin, një akademik në Universitetin Uludag të Bursës për AA tha se kisha ndoshta ka qenë më e hershmja në rajon dhe ndryshe nga kishat dhe tempujt e tjerë të zbuluar më parë, ajo u ndërtua për adhurim masiv nga komunitetet e para të krishtera në rajon.

"Ne zbuluam se toka e kishës përbëhet nga gurë të vegjël të bashkuar, të cilët ishin të mbuluar me mozaik të stolisur me motive gjeometrike", tha Altin, dhe theksoi se muret e brendshme të ndërtesës ishin të mbuluara me piktura për së gjati.

Altin shtoi se: "Këto piktura murale përbëhen nga disa shtresa të ndryshme, gjë që na tregon se kisha është përdorur duke filluar nga fazat e para të periudhës së krishterimit të hershëm deri në periudhat e vona të epokës bizantine".

E vendosur në një zonë të përdorur si varreza, kisha në formë drejtkëndore është e njohur edhe si "Pompei i Anadollit" dhe me rëndësi të madhe për t'u ndërtuar nga komuniteti i parë i krishterë në Priene, siç zbulojnë studimet.

Gërmimet në qytetin e lashtë filluan nga arkeologët gjermanë në vitin 1895 dhe struktura të ndryshme duke filluar nga tempujt, teatrot, një agora, ndërtesa publike dhe dyqane deri në ndërtesa arsimore janë zbuluar që atëherë.

"Priene, e njohur si një rajon ku lulëzuan shkenca dhe artet, ka qenë gjithashtu shtëpia e filozofit të famshëm grek Bias i Priene, një nga Shtatë të Urtët e Greqisë", tha Altin.

Qyteti antik tërheq vëmendjen me Tempullin e Athinës Polias, një teatër, Tempullin e Demetrës, një shtëpi këshilli, Shenjtërorja e perëndive egjiptiane dhe një kishë bizantine.




Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın