Turqia thirri ambasadorin iranian në vend për shkak të komenteve të cilat pretendonin shkelje të sovranitetit të Irakut, sipas burimeve diplomatike, transmeton Anadolu Agency (AA).

Duke thirrur ambasadorin Mohammad Farazmand, Ministria e Jashtme turke shprehu kundërshtimin e vendit ndaj akuzave të ngritura nga i dërguari i Iranit në Bagdad, duke nënvizuar se Ankaraja po lufton organizatën terroriste PKK, e cila kërcënon stabilitetin, sigurinë dhe sovranitetin e Irakut, thanë burimet.

Më tej shtuan se Ankaraja gjithashtu i tha ambasadorit Farazmand se pret që Irani të mbështesë dhe jo të kundërshtojë luftën e Turqisë kundër terrorizmit.