Turqia

Turqia ofron mbështetje për pacientët me atrofi muskulore

Fondet e sigurimeve shoqërore të vendit ndihmojnë 1.100 familje të mbulojnë koston e plotë të trajtimeve të provuara të atrofisë muskulore kurrizore (SMA), theksuan autoritetet shëndetësore turke

Ahmet Gençtürk   | 13.01.2021
Turqia ofron mbështetje për pacientët me atrofi muskulore

Ankara

Sistemi i sigurimeve shoqërore të Turqisë ofron mbështetje për 1.100 pacientë me atrofi muskulore kurrizore (SMA) në të gjithë vendin, sipas autoriteteve shëndetësore turke, raporton Anadolu Agency (AA).

Ilaçi me "natrium nusinersen", i cili është ndër ilaçet dhe trajtimet eksperimentale të miratuara kohët e fundit nga autoritetet shëndetësore të Shteteve të Bashkuara të Amerikës dhe Evropës, u miratua gjithashtu nga Agjencia Farmaceutike dhe Pajisjet Mjekësore të Turqisë (TITCK) për import.

Një ilaç tjetër, i klasifikuar për trajtimin e gjeneve, nuk është përfshirë nga TTICK për import pasi mbeti i paprovuar në eksperimentet klinike. Ilaçi, i cili pushtoi titujt kohët e fundit në Turqi për shkak të fushatave të dhurimit në internet për pacientët SMA, nuk mbulohet drejtpërdrejt nga fondet publike në asnjë vend.

Vendet që miratuan përdorimin e ilaçeve, Gjermania përmes fondeve shtetërore të sigurimeve shëndetësore dhe Japonia me fondin e saj të përgjithshëm publik u zotuan të mbulojnë kostot e trajtimit, por këto nuk janë kthyer ende në politika standarde.

Barnat dhe trajtimet eksperimentale të zhvilluara për SMA, një sëmundje e rrallë, gjenetike dhe neuromuskulare, shkaktojnë polemikë për shkak të kostove të tyre të larta dhe pasigurisë për efikasitetin e tyre.

Asnjë nga ilaçet dhe trajtimet SMA nuk është provuar të sigurojë shërim të plotë, ndërsa kostoja e tyre, jo e përballueshme për shumicën e familjeve, mund të vërë nën vështirësi fondet e shëndetit publik. 

Turqia mbulon koston e ilaçeve dhe trajtimeve të provuara

Shteti turk mbulon koston e ilaçit me natrium nusinersen, i cili është në përdorim të zakonshëm për katër vitet e fundit dhe kontribuoi në shërimin e pacientëve SMA në një nivel të caktuar.

Sipas të dhënave të ndara nga prodhuesi i ilaçit Biogen, mbi 10 mijë pacientë SMA, përfshirë fëmijët e vegjël si dhe të rriturit, janë trajtuar deri më tani.

Në Turqi, kostoja e ilaçit, e cila arrin në 73 mijë euro (mbi 88.700 dollarë) për dozë, mbulohet nga Autoriteti i Sigurimeve Shoqërore të vendit për 1.100 familje në të gjithë vendin.

Kostoja e ilaçit të klasifikuar për trajtimin e gjeneve nuk është mbuluar aktualisht pasi TITCK nuk e ka përfshirë ende atë në listën e saj të importuar të barnave.

Ilaçi u zhvillua nga kompania AveXis me bazë në SHBA dhe është trajtimi më i shtrenjtë SMA me listën e saj me mbi 2 milionë dollarë.

Pavarësisht nga kostoja ekstreme, ofron vetëm një nivel të kufizuar të rimëkëmbjes, sipas eksperimenteve klinike. 

Mbi politikat e trajtimit SMA të vendit, ministri turk i Shëndetësisë, Fahrettin Koca, bëri një deklaratë më 3 janar, ku theksoi se autoritetet publike turke do të vazhdojnë të mbulojnë koston e plotë të barnave dhe trajtimeve të provuara.

Aktualisht nuk ka asnjë provë shkencore që trajtimi i gjenit ofron shërim të plotë, tha Koca, duke shtuar se kompani të caktuara farmaceutike përmes fushatave abuzojnë me kushtet e pacientëve SMA dhe familjeve të tyre. 

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.