Turqia neutralizon dy terroristë të PKK-së në Irakun verior
"Dy terroristë të PKK-së u neutralizuan në operacionin e mbështetur nga ajri të kryer në rajonin Haftanin brenda fushëveprimit të operacionit në vazhdim Kthetra-3 në Irakun verior"
Ankara
Forcat turke të sigurisë "neutralizuan" dy terroristë të PKK-së në Irakun verior, bëri të ditur Ministria e Mbrojtjes e Turqisë, transmeton Anadolu Agency (AA).
"Dy terroristë të PKK-së u neutralizuan në operacionin e mbështetur nga ajri të kryer në rajonin Haftanin brenda fushëveprimit të operacionit në vazhdim Kthetra-3 në Irakun verior", tha Ministria në Twitter.
Autoritetet turke shpesh përdorin fjalën "neutralizuar" në deklaratat e tyre për të nënkuptuar se terroristët në fjalë ose janë dorëzuar, vrarë ose kapur.
Terroristët e PKK-së shpesh përdorin Irakun verior si bazë për të planifikuar sulme ndërkufitare terroriste në Turqi.
Më 27 maj, Turqia filloi operacionin Kthetra kundër PKK-së në rajonin Hakurk të Irakut verior, e ndjekur nga faza e dyta dhe e treta në korrik dhe në fund të gushtit.
Mbi 400 terroristë të PKK-së janë "neutralizuar" në Irakun verior gjatë katër muajve të fundit, bëri të ditur Ministria.
Në fushatën e saj terroriste mbi 30-vjeçare kundër Turqisë, PKK, e cilësuar si një organizatë terroriste nga Turqia, SHBA dhe BE, ka qenë përgjegjëse për vdekjen e 40,000 personave, përfshirë gra, fëmijë dhe foshnje.