Turqia këtë vit u vizitua më shumë nga turistët gjermanë
Në muajin gusht kur është shënuar hyrja më e madhe e turistëve të huaj në Turqi, qytetet që janë vizituar më shumë janë Antalya, Stambolli dhe Muğla
Ankara
YASEMİN KALYONCUOĞLU
Në periudhën janar - gusht të këtij viti Turqia është vizituar nga 7.255.107 turistë të huaj ndërkohë Gjermania me 789.602 persona është renditur e para në mesin e vendeve të turistëve të ardhur në Turqi, shkruan Anadolu Agency (AA).
Me hapjen e fluturimeve pas procesit të normalizimit të koronavirusit të ri (COVID-19), turistët që nga mesi i qershorit filluan të vizitojnë destinacionet më kryesore të turizmit në Turqi.
Sipas të dhënave që AA ka përpiluar nga statistikat e Ministrisë së Kulturës dhe Turizmit për hyrje-daljet në vend, mësohet se Turqia në periudhën 8 mujore të vitit ka pritur 7.255.107 vizitorë, ku për shkak të COVID-19 është shënuar një rënie me 76.6 për qind në krahasim me periudhën e njëjtë të një viti më parë.
Në periudhën janar-gusht Turqinë e kanë vizituar gjithsej 9.271.660, përfshirë edhe 2.016.553 shtetasit turq që banojnë jashtë vendit.
Numri më i madh i vizitorëve në muajin gusht
Në periudhën 9 mujore numri më i madh i vizitorëve është shënuar nga Gjermania me 789.602 persona, e cila pasohet nga Federata e Rusisë me 772.686 dhe Bullgaria me 532.417 vizitorë.
Këto vende ndiqen nga Ukraina me 520.833 dhe Britania e Madhe me 465.180 vizitorë.
Nga 7.255.107 vizitorët e huaj që vizituan vendin, bëhet e ditur se 2.962.396 prej tyre kanë hyrë në Turqi në periudhën 3 mujore që përfshin qershor-gusht.
Ndërkohë 214.768 turistë kanë preferuar Turqinë në muajin qershor, 932.927 në muajin korrik dhe 1.814.701 në muajin gusht.
Pjesa më e madhe e turistëve gjermanë dhe rusë preferuan të kalojnë pushimet në brigjet e Antalyas ndërsa turistët britanikë në brigjet e Muğla, Bodrum, Marmaris dhe Kuşadası në Aydın.
Në muajin gusht kur është shënuar hyrja më e madhe e turistëve të huaj në Turqi, qytetet që janë vizituar më shumë janë Antalya, Stambolli dhe Muğla.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.