Turqia ka neutralizuar 82 terroristë në Irakun verior gjatë tetorit
Grupi terrorist i PKK-së pësoi humbje të konsiderueshme për shkak të operacioneve të fuqishme dhe të vendosura antiterroriste nga Forcat e Armatosura të Turqisë
Ankara
Forcat turke gjatë muajit të kaluar kanë neutralizuar të paktën 82 terroristë në Irakun verior, raporton Anadolu Agency (AA).
Sipas burimeve të sigurisë, grupi terrorist i PKK-së pësoi humbje të konsiderueshme për shkak të operacioneve të fuqishme dhe të vendosura antiterroriste nga Forcat e Armatosura të Turqisë.
Morali i tyre i ulët ishte i dukshëm në radio bisedat e interceptuara të forcave turke, tha burimi në kushte anonimiteti.
Burimi shtoi se grupi terrorist fsheh humbjet e tij dhe ka thirrur kohët e fundit përforcime nga Siria pasi nuk arriti të rekrutonte më shumë anëtarë.
Zinxhiri i komandës së grupit terrorist po dobësohet dhe disfata e tyre është afër, tha burimi.
Terroristët e PKK-së shpesh fshihen në Irakun verior, përtej kufirit të Turqisë, për të planifikuar sulme në Turqi.
Në fushatën e saj terroriste mbi 30-vjeçare kundër Turqisë, PKK e listuar si një organizatë terroriste nga Turqia, SHBA dhe BE, ka qenë përgjegjëse për vdekjet e mbi 40 mijë njerëzve, përfshirë gra, fëmijë dhe foshnja.