Turqia, Bota

Turqia dënon postimin anti-Islam të ligjvënësit holandez

“Ata janë armiq të njerëzimit me një mendje raciste dhe fashiste. Kjo është arsyeja pse armiqësia kundër njerëzimit gjen vend aty ku ka armiqësi ndaj Islamit”, tha zëdhënësi i AK Partisë, Çelik

Zafer Fatih Beyaz  | 14.04.2021 - Përdıtësım : 14.04.2021
Turqia dënon postimin anti-Islam të ligjvënësit holandez

Ankara

Zëdhënësi i Partisë turke në pushtet për Drejtësi dhe Zhvillim (AK Parti), Omer Çelik reagoi ndaj një postimi anti-Islam në Twitter të postuar nga ligjvënësi holandez i ekstremit të djathtë, Geert Wilder, transmeton Anadolu Agency (AA).

“Ata janë armiq të njerëzimit me një mendje raciste dhe fashiste. Kjo është arsyeja pse armiqësia kundër njerëzimit gjen vend aty ku ka armiqësi ndaj Islamit”, u shpreh Çelik në Twitter.

Ali Erbas, kreu i Presidencës së Çështjeve Fetare, dënoi deklaratën e Wilders si "të papranueshme".

"I bëj thirrje bashkësisë ndërkombëtare në një luftë të qartë kundër mentalitetit racist që nxit Islamofobinë dhe synon paqen shoqërore", tha Erbas.

Të hënën, Wilders, kryetari i Partisë së ekstremit të djathtë për Liri (PVV) në Holandë, shpërndau një video-klip të shkurtër në Twitter, duke sulmuar Islamin dhe muajin e shenjtë të muslimanëve Ramazanin.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.