Turqia

Turqi, tre ish-deputetë të opozitës dënohen me burg

Njëri nga ish-deputetët është nga Partia kryesore opozitare Popullore Republikane (CHP) dhe dy të tjerë janë nga Partia Demokratike e Popullit (HDP)

Handan Kazancı   | 05.06.2020
Turqi, tre ish-deputetë të opozitës dënohen me burg

Stamboll/Dijarbaki

Tre ish-deputetë të partisë opozitare u dërguan në burg sot herët, një ditë pasi Parlamenti revokoi vendet e tyre, raporton Anadolu Agency (AA).

Njëri nga ish-deputetët është nga Partia kryesore opozitare Popullore Republikane (CHP) dhe dy të tjerë janë nga Partia Demokratike e Popullit (HDP).

Aktgjykimet përfundimtare të procedurave gjyqësore kundër deputetit të CHP-së, Enis Berberoglu dhe deputetëve të HDP-së Leyla Guven dhe Musa Farisogullari u lexuan në Asamblenë e Përgjithshme.

Guven, nga provinca juglindore Hakkari u dënua me 6 vjet e tre muaj burg nga një gjykatë provinciale për "anëtarësim në një grup të armatosur terrorist".

Farisogullari, nga provinca juglindore Dijarbakir, u dënua me 9 vjet burg, gjithashtu për "anëtarësim në një grup të armatosur terrorist".

Berberoglu, një deputet i Stambollit, u dënua me 5 vjet e 10 muaj burg për nxjerrjen e sekreteve shtetërore në një gazetë në qershor 2017. Dënimi u konfirmua më vonë nga një gjykatë apeli.

Ai u shpall fajtor për zbulimin e xhirimeve për një gazetar që tregonte se kamionët e Agjencisë së Inteligjencës Kombëtare (MIT) u ndaluan gjatë rrugës për në Siri në janar 2014.

Në atë incident, efektivët e xhandarmërisë të lidhur me organizatën terroriste FETO ndaluan kamionët në rrugën e tyre për në Siri, përkundër urdhrit të qeverisë për lejimin që të kalonin ata.

FETO dhe udhëheqësi i saj me bazë në SHBA, Fethullah Gülen orkestruan grushtin e shtetit të mposhtur të 15 korrikut 2016, në të cilin 251 persona ranë dëshmorë dhe rreth 2.200 të tjerë u plagosën.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın