Turqi, shpallet vendimi presidencial për hapjen e Ajasofjës për adhurime
Pasi gjykata turke anuloi vendimin e vitit 1934 për kthimin e Ajasofjës në muze, në Gazetën Zyrtare u shpall vendimi presidencial me të cilin Ajasofja hapet për adhurim
Ankara
Sot në Gazetën Zyrtare të Turqisë u shpall vendimi presidencial me të cilin Ajasofja hapet për adhurim dhe i dorëzohet Kryesisë së Çështjeve Fetare (Dijanet), transmeton Anadolu Agency (AA).
Në vendim rikujtohet se sot Këshilli i Shtetit, gjykata më e lartë për çështje administrative në vend, anuloi vendimin e vitit 1934 me të cilin xhamia Ajasofja ishte shndërruar në muze.
Në këtë drejtim, thuhet në vendim, administrimi i xhamisë Ajasofja i është transferuar Kryesisë së Çështjeve Fetare, në përputhje me nenin 35 të Ligjit Nr. 633 për Themelimin dhe Detyrat e Dijanetit.
Ndërkaq, në një postim në rrjetet sociale, presidenti Recep Tayyip Erdoğan uroi me rastin shpalljes së vendimit.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.