Turqia

Turqi, shpërthen një tubacion i naftës në juglindje të vendit

“Shkaku i shpërthimit për momentin nuk dihet. Rrjedha e naftës është ndërprerë dhe efekti i zjarrit ka filluar të ulet”, tha guvernatori i provincës Kahramanmaraş

Ekip   | 18.01.2022
Turqi, shpërthen një tubacion i naftës në juglindje të vendit Foto: AA/Arkiv

Kahramanmaraş

Në provincën juglindore turke Kahramanmaraş ka shpërthyer një tubacion të naftës pasi një shtyllë ra për arsye të panjohura, raporton Anadolu Agency (AA).

Pas incidentit flakët depërtuan në rrugën që lidh qytetet Kahramanmaraş dhe Gaziantep.

Në vendin ku ka ndodhur shpërthimi janë dërguar ekipet e zjarrfikësve dhe të ndihmës së parë.

Duke folur për AA, guvernatori i provincës Kahramanmaraş, Ömer Faruk Coşkun, tha se fatmirësisht nuk ka viktima.

“Për momentin nuk ka asnjë rrezik për vendbanimet dhe fatmirësisht nuk ka viktima”, tha Coşkun.

Ai shtoi se përpjekjet e zjarrfikësve për shuarjen e zjarrit vazhdojnë.

“Shkaku i shpërthimit për momentin nuk dihet. Rrjedha e naftës është ndërprerë dhe efekti i zjarrit ka filluar të ulet”, tha guvernatori i provincës Kahramanmaraş.

Për arsye të sigurisë, rruga është mbyllur në të dyja drejtimet.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın