Turqia

"Shtetet evropiane duhet të jenë të drejta për Mesdheun Lindor"

Gjatë video-konferencës mes Erdoğan dhe Merkel, presidenti turk tha Turqia do të vazhdojë të ndjekë politikë aktive për të drejtat e saj

Dilara Hamit   | 16.09.2020
"Shtetet evropiane duhet të jenë të drejta për Mesdheun Lindor" Foto: AA/Arhiv

Ankara

Presidenti i Turqisë, Recep Tayyip Erdoğan dhe kancelarja gjermane Angela Merkel sot mbajtën një video-konferencë dhe diskutuan çështjet që kanë të bëjnë me Mesdheun Lindor, transmeton Anadolu Agency (AA).

Sipas deklaratës nga Drejtoria Turke e Komunikimit, të dy udhëheqësit diskutuan gjithashtu çështje dypalëshe dhe rajonale.

Gjatë takimit, Erdoğan i tha Merkelit se shtetet evropiane duhet të jenë të drejta dhe konsekuente për çështjen e Mesdheut Lindor.

Presidenti Erdoğan gjithashtu tha se mosmarrëveshjet mund të zgjidhen përmes bisedimeve për sa kohë që ekziston një qasje e drejtë ndaj Mesdheut Lindor.

Ai theksoi se Turqia do të vazhdojë të ndjekë politikë aktive për të drejtat e saj.

Në takim gjithashtu morën pjesë edhe ministri i Punëve të Jashtme të Turqisë, Mevlüt Çavuşoğlu; Ministri i Mbrojtjes Hulus Akar; kreu i Shërbimit Informativ Turk, Hakan Fidan; Drejtori i Komunikimit, Fahrettin Altun; zëdhënësi presidencial Ibrahim Kalın dhe shefi i kabinetit Hasan Doğan.

Greqia ka kontestuar aktivitetet aktuale të Turqisë në kërkimin e energjisë në Mesdheun Lindor, duke u përpjekur të godasë në territorin detar turk bazuar në ishuj të vegjël pranë bregdetit turk.

Turqia, vend me vijën më të gjatë bregdetare në Mesdhe, ka dërguar anije të shpimit për të kërkuar energji në kuadrin e saj kontinental, duke pohuar të drejtat e Ankarasë dhe të Republikës Turke të Qipros Veriore (TRNC) në rajon.

Në mënyrë që të zvogëlojë tensionet, Turqia ka bërë thirrje për dialog për të siguruar ndarjen e drejtë të burimeve.

BE gjithashtu bëri thirrje për negociata midis palëve. Udhëheqësit e BE-së do të diskutojnë konfliktin, si dhe marrëdhëniet e bllokut me Turqinë gjatë samitit të tyre të jashtëzakonshëm në Bruksel në 24-25 shtator.

Në mënyrë që të përgatitet për takimin e udhëheqësve, Parlamenti Evropian do të miratojë një rezolutë mbi këtë temë këtë javë.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın