Turqia

Presidenti Erdoğan pret me ceremoni zyrtare kryeministrin italian Draghi

Erdoğan dhe Draghi kaluan në takimin kokë më kokë dhe më pas do të kryesojnë Sesionin e Samitit Ndërqeveritar

Ali Kemal Akan  | 05.07.2022 - Përdıtësım : 06.07.2022
Presidenti Erdoğan pret me ceremoni zyrtare kryeministrin italian Draghi

Ankara

Presidenti i Türkiye-s (Turqisë), Recep Tayyip Erdoğan ka pritur me ceremoni zyrtare kryeministrin e Italisë, Mario Draghi i cili ndodhet në Türkiye për një vizitë zyrtare, transmeton Anadolu Agency (AA).

Automjeti i kryeministrit Draghi u prit në bulevardin përpara kompleksit presidencial në Ankara nga kalorësit të cilët e shoqëruan deri në hyrjen e protokollit.

Presidenti Erdoğan e priti Draghin në derën e hyrjes kryesore të kompleksit presidencial.

Pas pozicionimit në foltoren ceremoniale të presidentit Erdoğan dhe kryeministrit Draghi, u kryen 21 të shtëna me top dhe u intonuan himnet kombëtare të të dy vendeve. Teksa Draghi përshëndeti trupën ceremoniale me shprehjen në turqisht "Merhaba asker" (Përshëndetje ushtarë) në ceremoni të pranishëm ishin edhe flamuj dhe ushtarë që përfaqësojnë themelimin e 16 shteteve turke të formuara në histori.

Pas prezantimit të delegacioneve përkatëse të dy vendeve, Erdoğan dhe Draghi qëndruan përpara flamujve të Turqisë dhe Italisë.

Erdoğan dhe Draghi kaluan në takimin kokë më kokë dhe më pas do të kryesojnë Sesionin e Samitit Ndërqeveritar.

Në ceremoni të pranishëm ishin edhe ministri i Jashtëm i Türkiye-s, Mevlüt Çavuşoğlu, ministri i Mjedisit, Urbanizimit dhe Ndryshimeve Klimatike, Murat Kurum, ministri i Brendshëm, Süleyman Soylu, ministri i Mbrojtjes Kombëtare, Hulusi Akar, ministri i Industrisë dhe Teknologjisë, Mustafa Varank, ministri i Tregtisë Mehmet Muş, kreu i çështjeve administrative të Presidencës, Metin Kıratlı, kreu i Drejtorisë për Komunikim i Presidencës, Fahrettin Altun, zëdhënësi presidencial İbrahim Kalın si dhe prefekti i Ankarasë, Vasip Şahin.



Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın