Turqia

Polici turk me lot në sy përpiqet të shpëtojë emigranten e vogël

Një polic nuk ka mundur t’u përmbahet lotëve gjatë reanimacionit të një vajze shtatëvjeçare pa shenja jete, të cilën me të gjitha forcat vrapoi për ta dërguar në një ambulancë pas katastrofës së një motoskafi me migrantë

Ali Ballı  | 22.10.2018 - Përdıtësım : 23.10.2018
Polici turk me lot në sy përpiqet të shpëtojë emigranten e vogël ( Ali Ballı - Anadolu Agency )

Muğla

MUĞLA (AA) - Një polic trafiku në Turqi nuk ka mundur t’u përmbahet lotëve gjatë reanimacionit të një vajze shtatëvjeçare pa shenja jete, të cilën me të gjitha forcat vrapoi për ta dërguar në një ambulancë në largësi 100 metra pas katastrofës së një motoskafi me migrantë në ujërat e Bodrumit të Turqisë në të cilën jetën humbën dy persona, raporton Anadolu Agency (AA).

Harun Kılıçoğlu, baba i dy fëmijëve i punësuar në Departamentin e Regjistrave të Trafikut në Policinë e Bodrumit, qytet në provincën Muğla, shkoi në vendin e ngjarjes pasi dëgjoi thirrjet për ndihmë nga ana e qytetarëve, ndërsa me shpejtësi mori në krahë një vogëlushe të nxjerrë pa shenja jete nga deti dhe u përpoq me të gjitha forcat ta dërgonte sa më shpejtë deri tek ekipet shëndetësore.

Kılıçoğlu, i cili vrapoi 100 metra deri te ekipet shëndetësore në rripin bregdetar në një ngjarje të shoqëruar përplot me emocione, dha të gjitha përpjekjet e tij për ta shpëtuar vajzën.

“A ka punonjës shëndetësor? Të shpejtojmë! Le të vijnë punonjësit shëndetësor”, thërriste polici turk duke vrapuar me vogëlushen në krahët e tij.

Gazetari i AA-së ndoqi në tërësi veprimin e policit Kılıçoğlu, i cili përcolli me lot në sy përpjekjet e reanimacionit të shtatëvjeçares nga ana e ekipeve shëndetësore.

Megjithatë, vajza e vogël ndërroi jetë në spitalin e dërguar përkundër të gjitha përpjkjeve intensive për ta shpëtuar atë.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın