Turqia

OBI përzgjedh provincën turke Şanlıurfa si "Qyteti i Turizmit" për vitin 2023

Vendimi u ndërmor gjatë sesionit të 11-të të Konferencës Islamike të Ministrave të Turizmit, e cila po mbahet në kryeqytetin e Azerbajxhanit, Baku

İsa Toprak   | 28.06.2022
OBI përzgjedh provincën turke Şanlıurfa si "Qyteti i Turizmit" për vitin 2023

Ankara

Provinca Şanlıurfa që ndodhet në pjesën juglindore të Türkiye-s (Turqisë) është përzgjedhur nga Organizata e Bashkëpunimit Islam (OBI) si Qyteti i Turizmit për vitin 2023, transmeton Anadolu Agency (AA).

Vendimi u ndërmor gjatë sesionit të 11-të të Konferencës Islamike të Ministrave të Turizmit, e cila po mbahet në kryeqytetin e Azerbajxhanit, Baku, ndërsa vendimin e njoftoi përmes një deklarate Ministria e Kulturës dhe Turizmit e Türkiye-s.

Në deklaratë thuhet se provinca Khiva e Uzbekistanit është shpallur Qyteti i Turizmit nga OBI për vitin 2024.

Evenimenti tre-ditor, nën temën "Roli i komuniteteve lokale në zhvillimin e turizmit", filloi dje.

OBI është organi i dytë ndërqeveritar më i madh pas OKB-së, me 57 shtetet e saj anëtare të shpërndara në katër kontinente.

Ajo u themelua në vitin 1969 në një samit historik në Rabat, kryeqyteti i Marokut, në kundërpërgjigje të një sulmi me zjarr në xhaminë Al-Aksa në Kudsin e pushtuar.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın