Kapen 5 anëtarë të organizatës terroriste në përpjekje për të hyrë nga Siria në Turqi
Në deklaratë e Ministrisë së Mbrojtjes thuhet se 3 nga të arrestuarit janë anëtarë të DEASH-it ndërsa 2 janë anëtarë të organizatës terroriste PKK
Ankara
Ministria turke e Mbrojtjes njoftoi se janë kapur 5 anëtarë të organizatës terroriste që po tentonin të kalonin ilegalisht nga Siria në Turqi, transmeton Anadolu Agency (AA).
Në deklaratën e bërë në llogarinë e Ministrisë në rrjetet sociale, thuhet se "Shqiponjat e Kufirit "që ishin në detyrë në Hatay dhe Şanlıurfa, arrestuan 5 persona që tentuan të kalojnë ilegalisht nga Siria në Turqi.
Në deklaratë bëhet e ditur se 3 nga të arrestuarit janë anëtarë të DEASH-it ndërsa 2 janë anëtarë të organizatës terroriste PKK.