Turqia

Çavuşoğlu: Është shqetësuese që Pelosi është kryetare e Dhomës së Përfaqësuesve në SHBA

Çavuşoğlu: Është shqetësuese që Pelosi (e cila ka përdorur shprehje kundër Turqisë) është në detyrën e kryetares së Dhomës së Përfaqësuesve të SHBA-së

Şerife Çetin   | 25.09.2020
Çavuşoğlu: Është shqetësuese që Pelosi është kryetare e Dhomës së Përfaqësuesve në SHBA

Ankara

Ministri i Jashtëm i Turqisë, Mevlüt Çavuşoğlu sot kritikoi ashpër kryetaren e Dhomës së Përfaqësuesve të SHBA-ve, Nancy Pelosi rreth vërejtjeve të saj kundër Turqisë, transmeton Anadolu Agency (AA).

"Ngritja e @ SpeakerPelosi në kryetare të Dhomës së Përfaqësuesve është vërtetë shqetësuese për demokracinë amerikane, duke pasur parasysh injorancën e saj të qartë. Ju do të mësoni të respektoni vullnetin e popullit turk", shkroi ministri Çavuşoğlu në Twitter.

Të mërkurën, gjatë një konference për media, presidenti i SHBA-ve, Donald Trump u pyet nëse do të ketë tranzicion paqësor të pushtetit nëse i humb zgjedhjet e vitit 2020.

"Do të duhet të shohim se çfarë do të ndodhë", tha Trump.

Në lidhje me komentet e Trumpit, Pelosi tha: "Ne e dimë kë admiron. Ai admiron (presidentin rus Vladimir) Putin, ai admiron Kim Jong Un, ai admiron (Rexhep Tayyip) Erdoğan në Turqi".

"Por, ia kujtoj atij, ju nuk jeni në Korenë e Veriut, ju nuk jeni në Turqi, ju nuk jeni në Rusi. Zotëri president, para së gjithash nuk jeni në Arabinë Saudite. Ju jeni në SHBA, është një demokraci, përse thjeshtë nuk përpiqesh për një moment të nderosh betimin tënd të detyrës, ndaj kushtetutës së SHBA-ve?", shtoi ajo.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın