UEFA mohon pretendimet për hetim ndaj kombëtares turke
Në deklaratë thuhet se nuk janë të vërteta asnjë nga komentet që janë bërë në shtypin e huaj dhe të cilat janë përdorur duke iu referuar UEFA-s
Stamboll
Unioni i Federatës së Futbollit të Evropës (UEFA) ka mohuar pretendimet për hetim lidhur me përshëndetjen për festimin e golit që lojtarët e ekipit të kombëtares turke bënë në ndeshjen me Shqipërinë, raporton Anadolu Agency (AA).
Drejtori për komunikime në UEFA, Philip Townsend, duke u përgjigjur në pyetjen e AA-së lidhur me çështjen tha se: "UEFA nuk ka bërë ndonjë koment lidhur me ndeshjen e luajtur të premten".
Në deklaratë thuhet se nuk janë të vërteta asnjë nga komentet që janë bërë në shtypin e huaj dhe të cilat janë përdorur duke iu referuar UEFA-s.
Kombëtarja turke të premten priti në Stamboll kombëtaren e Shqipërisë në kuadër të eliminatoreve për Kampionatin Evropian në futboll "EURO 2020" ku fitoi me rezultatin 1-0 pas golit të shënuar nga Cenk Tosun. Futbollistët e kombëtares turke festuan golin me një përshëndetje ushtarake dhe golin ia dedikuan ushtarëve që janë me detyrë në operacionin "Burimi i Paqes".
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.