Liga e Kampionëve, përballjet atraktive përfundojnë pa gola
Liga e Kampionëve të UEFA-së solli dy përballje atraktive me kundërshtarë që janë kryefjala e fudbollit evropian, megjithatë të dy sfidat e të tetës së finales përfunduan pa gola
Stamboll
STAMBOLL (AA) - Të martën mbrëma, Liga e Kampionëve të UEFA-së solli dy përballje atraktive me kundërshtarë që janë kryefjala e fudbollit evropian, megjithatë të dy sfidat e të tetës së finales përfunduan pa gola, që ka ndodhur vetëm një herë më parë në historikun e kësaj gare, raporton Anadolu Agency (AA).
Liverpooli barazoi në fushë të vet kundër Bayernit të Mynihut me shifrat 0:0, me vetëm dy gjuajtje në portën e kundërshtarit ndërkohë që klubi gjerman nuk arriti të regjistrojë asnjë goditje në portën e anglezëve.
Ndeshja e kthimit në Allianz Arena të Bayernit, do të luhet më 13 mars.
Gjigantët spanjollë të Barcelonës barazuan me rezultatin identik në terren mysafir te Lyoni i Francës, me çka nikoqiri regjistroi barazimin e katërt në pesë ndeshje.
Ndeshja e kthimit në stadiumin Camp Nou të Barcelonës do të luhet më 13 mars.
Sipas UEFA-s, "kjo është vetëm hera e dytë në historinë e të së tetës së finales të ketë pasur dy ndeshje pa gola në të njëjtën natë".
Sot në orar janë dy sfida tjera në të cilat takohen Schalke - Manchester City dhe Atletico Madrid - Juventus.
Rezultatet:
19 shkurt
Lyon - Barcelona: 0-0
Liverpool - Bayern Mynih: 0-0
12 shkurt
Manchester United - Paris: 0-2
Roma - Porto: 2-1
13 shkurt
Tottenham Hotspur - Borussia Dortmund: 3-0
Ajax - Real Madrid: 1-2
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.