Sport

Gjokoviq humb shansin për të luajtur në Australian Open pasi gjykata miratoi deportimin e tij

Gjykata Federale vendosi njëzëri kundër Novak Gjokoviqit, pasi dëgjoi rastin e tij

Faruk Zorlu   | 16.01.2022
Gjokoviq humb shansin për të luajtur në Australian Open pasi gjykata miratoi deportimin e tij

Ankara

Tenisti serb Novak Gjokoviq humbi shansin për të luajtur në Australian Open pasi gjykata australiane hodhi poshtë ankesën e tij kundër urdhrit të dëbimit, sipas mediave lokale, transmeton Anadolu Agency (AA).

Gjykata Federale me një panel prej tre gjyqtarësh vendosi njëzëri kundër Gjokoviqit sot, pasi dëgjoi rastin e tij, sipas ABC News australiane.

Gjokoviq u ndalua të shtunën pasi zyrtarët australianë ia anuluan vizën për herë të dytë.

Ministri i Emigracionit Alex Hawke tha të premten: "Sot ushtrova autoritetin tim sipas nenit 133C(3) të Aktit të Migracionit për të anuluar vizën që posedon z. Novak Gjokoviq për arsye shëndetësore dhe të rendit, duke u bazuar se kjo është në interesin publik".

Më 4 janar, Gjokoviq tha se kishte marrë një përjashtim mjekësor nga vaksinimi për koronavirusin, por pas mbërritjes së tij, Forca Kufitare Australiane ia anuloi vizën për mospërmbushjen e kërkesës së hyrjes për COVID-19.

Pasi u dërgua në një hotel të imigracionit në Melburn, gjykata federale urdhëroi lirimin e tij.

Australia kërkon nga të gjithë lojtarët që të vaksinohen plotësisht kundër COVID-19 për të marrë pjesë në turneun e parë të madh të tenisit të këtij viti.

Gjokoviq u përfshi të enjten në shortin zyrtar të turneut.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın