Andreas Zagklis, sekretar i ri i përgjithshëm i FIBA-s
Zagklis njëzërit u zgjodh si sekretar i Përgjithshëm i FIBA-s, dy muaj pas vdekjes së Baumann, i cili nga viti 2003 mbante postin e sekretarit të përgjithshëm
Stamboll
STAMBOLL (AA) - Pas vdekjes të sekretarit të përgjithshëm të Federatës Ndërkombëtare të Basketbollit (FIBA) Patrick Baumann, në vend të tij u emërua eksperti grek Andreas Zagklis, raporton Anadolu Agency (AA).
Siç mëson gazetari i AA-së, Zagklis njëzërit u zgjodh si sekretar i Përgjithshëm i FIBA-s.
Zagklis iu bashkua organizatës kryesore të basketbollit në vitin 2016, ndërsa deri më tani ka ushtruar detyrën e shefit të shërbimeve ligjore. Në vendlindjen e tij, në Greqi, gjatë karrierës ka qenë lojtar, trajner dhe menaxher në fushën e basketbollit.
Baumann, i cili ushtronte detyrën e sekretarit të përgjithshëm të FIBA-s, ndërroi jetë në moshën 51 vjeçare si pasojë e një sulmi kardiak më 13 tetor në Buenos Aires.