Është "e mundur" që Irani dhe SHBA-ja t’i kthehen respektimit të ndërsjellë të Planit të Përbashkët të Përgjithshëm të Veprimit 2015 (JCPOA), tha një zyrtar i lartë i Departamentit të Shtetit, transmeton Anadolu Agency (AA).

Zyrtari, i cili informoi gazetarët në kushte anonimati përpara bisedimeve në Vjenë që pritet të rinisin të premten, paralajmëroi, megjithatë, se "vetëm koha do të tregojë" nëse ka gjasa të ndodhë.

"Kjo në fund të fundit është çështje e një vendimi politik që duhet të merret në Iran", tha zyrtari.

"Shtetet e Bashkuara e kuptojnë se çfarë duhet të bëjnë për t'u rikthyer në përputhje me angazhimet lehtësuese të sanksioneve që kanë bërë nën JCPOA-në, ne e kuptojmë se çfarë është e nevojshme. Ne gjithashtu e kuptojmë atë që Irani duhet të bëjë në mënyrë që të kthehet në përputhje (me marrëveshjen)", theksoi zyrtari amerikan.