Politikë

Policia izraelite sulmon pjesëmarrësit në funeralin e gazetares Abu Akleh në Kudsin Lindor

Dëshmitarët okularë thanë për AA se policia izraelite sulmoi kortezhin e varrimit teksa nisej nga Spitali Francez në lagjen Sheikh Jarrah

Abdel Ra'ouf D. A. R. Arnaout   | 13.05.2022
Policia izraelite sulmon pjesëmarrësit në funeralin e gazetares Abu Akleh në Kudsin Lindor

Kuds

Policia izraelite sulmoi sot kortezhin e varrimit të gazetares së vrarë të Al Jazeera-s, Shireen Abu Akleh, në Kudsin Lindor të pushtuar, raporton Anadolu Agency (AA).

Dëshmitarët okularë thanë për AA se policia izraelite sulmoi kortezhin e varrimit teksa nisej nga Spitali Francez në lagjen Sheikh Jarrah.

Ata shtuan se policia izraelite i rrethoi pjesëmarrësit e funeralit dhe përdori granata zhurmuese dhe shkopinj për të sulmuar bartësit që mbanin arkivolin e Abu Akleh-s.

Policia izraelite lejoi disa palestinezë që ta shoqëronin arkivolin e saj në Qytetin e Vjetër të Kudsit, ku ajo do të varroset në varrezën protestante.

Gazetarja veterane Shireen Abu Akleh ishte duke ndjekur bastisjet ushtarake izraelite pranë kampit të refugjatëve Jenin në Bregun Perëndimor të pushtuar kur u qëllua për vdekje të mërkurën. Zyrtarët palestinezë dhe rrjeti me bazë në Doha thonë se ajo ishte në shënjestër të forcave izraelite.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın