Franca dënon shkeljen e raportuar të hapësirës ajrore polake gjatë sulmeve ruse në Ukrainë

Presidenti francez Emmanuel Macron dënoi sot shkeljen e raportuar të hapësirës ajrore të Polonisë gjatë sulmeve ruse gjatë natës në Ukrainë, transmeton Anadolu.

"Franca dënon fuqishëm sulmet ruse që vranë civilë në Ukrainë si dhe shkeljen e hapësirës ajrore polake", shkroi Macron në platformën e mediave sociale amerikane X.

Më tej ai shprehu mbështetjen e vazhdueshme për Ukrainën dhe Poloninë. "Kjo është një çështje e sigurisë sonë kolektive", shtoi Macron.

Presidenti i Këshillit Evropian, Antonio Costa reagoi gjithashtu ndaj shkeljes së raportuar të hapësirës ajrore, duke thënë se veprimet e Rusisë kërcënojnë sigurinë e Evropës në tërësi.

"Mbrëmë, Rusia nisi sulm masiv të kombinuar kundër Ukrainës. Gjatë sulmit, hapësira ajrore polake u shkel gjithashtu, duke nënvizuar edhe një herë se agresioni rus është kërcënim për sigurinë e Evropës në tërësi", shkroi Costa.

Ai shprehu "solidaritet të plotë" me autoritetet polake dhe ukrainase dhe kujtoi se blloku po rrit mbështetjen për të forcuar aftësitë e mbrojtjes ajrore të Ukrainës.

"Evropa do të vazhdojë të qëndrojë e bashkuar përballë këtij agresioni", shtoi Costa.

Sipas transmetuesit polak TVP World, qyteti lindor polak i Lublinit dhe qyteti i afërt Krasnystaw u zgjuan nga sirenat paralajmëruese sot herët pasi Qendra qeveritare për sigurinë aktivizoi sistemin e alarmit për shkak të sulmeve ruse pranë kufirit.