Anija me 160 emigrantë merr flakë gjatë përpjekjes për të kaluar Kanalin Anglez

Sipas raportimeve të mediave britanike sot, një anije me 160 emigrantë mori flakë ndërsa po përpiqej të kalonte Kanalin Anglez, transmeton Anadolu.

Roja Bregdetare e Mbretërisë së Bashkuar konfirmoi se anija mori flakë mëngjesin e sotëm ndërsa ishte ende në ujërat franceze.

Ekipet franceze të kërkimit dhe shpëtimit, rojet bregdetare të Mbretërisë së Bashkuar dhe Instituti Kombëtar Mbretëror i Varkave të Shpëtimit iu përgjigjën incidentit, njoftoi "The Telegraph".