Vazhdon operacioni "Burimi i Paqes"

Përderisa kanë kaluar një javë që nga fillimi i operacionit "Burimi i Paqes", vazhdojnë operacionet në pjesët rurale të qyteteve Tal Abyad dhe Ras Al-Ayn. Forcat e Armatosura Turke (TSK) dhe Ushtria Kombëtare Siriane (SNA), janë duke fortifikuar vendet e çliruara, raporton Anadolu Agency (AA).

Vazhdon në ditën e 7-të operacioni "Burimi i Paqes" të cilin Turqia e filloi për të eliminuar korridorin terrorist në kufirin jugor të saj, si dhe për të sjellë paqe dhe qetësi në rajon.

Ndërkohë operacionet në pjesët rurale të Ras Al-Ayn e çliruar në ditën e katërt të operacionit dhe Tal Abyad e çliruar në ditën e pestë të operacionit vazhdojnë.

Synohet që të çlirohen edhe fshatrat që kanë mbetur mes qendrave të qyteteve si dhe autostradës M4.

TSK dhe SNA janë duke i fortifikuar vendet e çliruara.

Janë çliruara dhjetëra fshatra nga YPG/PKK

Në operacionin e filluar më 9 tetor deri më tani janë çliruar 2 qendra të qytetit, një qytezë (Suluk) dhe dhjetëra fshatra nga organizata terroriste YPG/PKK.

Forcat e SNA, në rajonet e çliruara është duke vazhduar punimet e kërkimit për të mundësuar sigurinë.

Gjatë këtyre punimeve janë duke u konfiskuar shumë armë dhe municione të terroristëve.

Gjendja në Tal Abyad dhe Ras Al-Ayn

Qyteti Ras Al-Ayn ishte okupuar nga organizata terroriste YPG/PKK në janar të vitit 2013, ndërsa Tal Abyad, në qershor të vitit 2015.

Terroristët zhvendosën arabët dhe turkmenët duke i kërcënuar ato, ndërsa kishin konfiskuar pronat e tyre private dhe i kishin detyruar që të bashkohen në radhët e tyre.

Të njëjtën ua kishin zbatuar edhe popullsisë krishtere, prej të cilëve kishin marrë haraç në emër të taksës.

YPG/PKK në të dy qytete kishte shtypur kurdët opozitarë, duke ua mbyllur partitë politike.